Januzaj debuton me fitore ne Champions

Adnan Januzaj ka debutuar me fitore në Ligën e Kampionëve. Manchester United mposhti në shtëpi Shakhtar Donetsk me rezultat 1;0, derisa u konfirmua si lideri i Grupit A me 14 pikë të tubuara.

Në këtë takim, nga minuta e parë për ekipin nga ‘Old Trafford’ ka luajtur edhe mesfushori kosovar, Adnan Januzaj. Për këtë të fundit është hera e parë aktivizimi në evenimentin më të rëndësishëm europian për klube.

Januzaj këtë sezon ka debutuar edhe në Premierligë, ku deri më tani ka zhvilluar 9 paraqitje për Manchester Unitedin. Ai ka fascinuar njohësit e futbollit me përformancën e treguar deri më tani.

Ndërsa, përveç Manchester Unitedit në të tetën e finales është kualifikuar edhe Bayer Leverkusen, e cila mundi Real Sociedadin në udhëtim me rezultat 0:1. Kurse, Shakhtar Donetsk, që u rendit i treti në grup, do t’i vazhdoj garat në Europa League.

Grupi A

Manchester United – Shakhtar Donetsk 1:0

Real Sociedad – Bayer Leverkusen 0:1

Tabela

Man Utd 14

Leverkusen 10

Shakhtar 8

Sociedad 1./express/