Janë hetuar 23 aksidente me dëme materiale, 20 aksidente me të lënduar dhe janë shqiptuar 1428 gjoba në trafik

Gjilan – Drejtoria rajonale e Policisë Gjilan, njësia rajonale e komunikacionit rrugor dhe stacionet policore të drejtorisë rajonale gjatë periudhës kohore 18.08.2023-24.08.2023 në vazhdën e implementim i planit operativ “Siguria në trafikun rrugor” dhe “Sezoni veror 2023” kanë realizuar aktivitete në zonën e përgjegjësisë që mbulon shtatë (7) komuna.

Gjatë kësaj periudhe janë shqiptuar njëmijë e katërqind e njëzet e tetë (1428) gjoba për kundërvajtësit të cilët kanë rënë ndesh me ligjin për rregullat e trafikut rrugor.

Po ashtu në kuadër të këtij plani janë ndërmarr aktivitete edhe në:

• Hetim i njëzet e tre (23) aksidenteve të komunikacionit me dëme materiale,
• Hetim i njëzet (20) aksidenteve të komunikacionit me të lënduar,
• Shqiptuar masa e ndalim drejtimit të mjeteve për tridhjetë e dy (32) ngasës,

Në kuadër të implementimit të planit operacional “Motoçikleta” nga njësiti rajonal i komunikacionit rrugor janë hasur edhe njëzet e shtatë (27) vozitës të motoçikletave të cilët gjatë drejtimit kanë rënë ndesh me rregullat e trafikut. Ndaj këtyre ngasësve janë shqiptuar gjoba konform ligjin për rregullat e trafikut rrugor.

Njësitet policore të Drejtorisë rajonale të Policisë Gjilan kanë mbajtur dhe vazhdojnë të mbajnë pika të shumta të kontrollit të automjeteve me qëllim të prezencës sa më të madhe në terren dhe parandalimit të aksidenteve të komunikacionit rrugor, me theks të veçantë të aksidenteve me fatalitet njoftoi Ismet Hashani./rajonipress/