Poezi nga Avdush Canaj
Kur kuqëloheshin dredhëzat
Shportë e nënës plot
Me mua ëmbëlsohej edhe dita
Kur piqej mani
Mbusheshin duart e nënës
Ha bir, rritësh më shpejt
Kur faqet e mollëve qeshnin
Nëna këndonte në kopsht
Më e bukura është për ty
Dua t`i puth këto duar
T`i ledhatoj
S`di kah ikin si era
S`di ku fshihet nëna
Sikur ia dëgjoj
Zërin e zambaktë
Jam në zemrën tënde, bir
