Jam 110 vjeç, sepse lash cigaren kur isha 104 vjeçe

Londër – Një nga gratë më të vjetra në Britaninë e Madhe ka festuar ditëlindjen e saj të 110-të. Ajo beson se ka jetuar kaq gjatë për shkak se hoqi dorë nga pirja e duhanit gjashtë vjet më parë.

Dorothy Peeli mbushi 110 vjeç javën e kaluar, por ajo beson se për të arritur këtë moment historik ka qenë vendimtar heqja dorë nga duhani, kur ishte në moshën 104 vjeçe. Peeli jeton në një azil dhe ende i gëzohet ndonjë gote uiski, thuajse çdo ditë, transmeton Panorama online.

Por, 110 vjeçarja insiston se shëndeti i saj i mirë vjen edhe sepse ajo nuk pi uiski para orës 7 të mbrëmjes.