Jakup Krasniqi flet për vendimin e Supremes: Askush nuk humbi, Kosova fitoi sigurinë juridike

Kryetari i Këshillit Kombëtar të Nismës Socialdemokrate, Jakup Krasniqi, ka thënë disa fjalë për vendimin e Gjykatës Supreme, që vendosi për mospranimin e votave të ardhrua nga Serbia dhe kështu koalicioni Nisma-AKR-PD me shumë gjasa do të jetë pjesë e Kuvendit.

“Askush nuk humbi, Kosova fitoi sigurinë juridike”, ka thënë Krasniqi.

“Vendimin e sotëm të Gjykatës Supreme të Kosovës e cila la në fuqi vendimin e PSAP-së, për anulimin e votave të kontrabanduara nga Serbia, askush nuk duhet ta shoh si humbje a fitore politike. Askush nuk ka fituar a humbur deputet, numrin e tyre e ka caktuar sovrani. Vendimi është fitore juridike e Kosovës e cila paralajmëron siguri juridike për çdo qytetarë të Republikës sonë. Ky vendim sa është kushtetues e ligjor është i pavarur dhe profesional, i cili meriton të përshëndetet nga të gjithë, si nga politika ashtu edhe nga individët e cilitdo komb, grupim etnik a fetar”, ka thënë tutje Krasniqi.

Krasniqi shton se tani çdo qytetar është i siguruar juridikisht dhe vendimet merren në parim me ligjet në fuqi. Ai thotë se Nisma ka treguar profesionalizëm të madh gjatë gjithë procesit zgjedhor, duke mbrojtur kushtetutshmërinë dhe ligjshmërinë.

“Ne jemi të bindur se aty ku respektohet ligji, fitorja është e të gjithëve, pra aty nuk ka humbës e fitues. Partia fituese e zgjedhjeve duhet ta mbështet fuqishëm mbrojtjen e ligjit e të ligjshmërisë dhe të kërkon ketë praktikë pozitive në respektim të ligjit”, shton ai.

Pastaj Krasniqi thotë se partitë e mëdha duhet të vlerësojnë angazhimin e partive më të vogla në vendin tonë, duke i shikuar si siguresa të ligjshmërisë dhe e të demokracisë.

“Ne, Socialdemokratet kudo që të jemi, me gjithë kapacitetet tona politike, intelektuale e profesionale do të jemi pa pardon, gardian të sundimit të ligjit. Po ashtu siç ishim luftëtarë të lirisë! Ne, Socialdemokratet do të jemi gardian të kushtetutshmërisë e te ligjshmërisë e Ju?”, thotë për fund Krasniqi. /Express/

Kjo është komunikata e plotë e tij:

Vendimin e sotëm të Gjykatës Supreme të Kosovës e cila la në fuqi vendimin e PSAP-së, për anulimin e votave të kontrabanduara nga Serbia, askush nuk duhet ta shoh si humbje a fitore politike. Askush nuk ka fituar a humbur deputet, numrin e tyre e ka caktuar sovrani. Vendimi është fitore juridike e Kosovës e cila paralajmëron siguri juridike për çdo qytetarë të Republikës sonë. Ky vendim sa është kushtetues e ligjor është i pavarur dhe profesional, i cili meriton të përshëndetet nga të gjithë, si nga politika ashtu edhe nga individët e cilitdo komb, grupim etnik a fetar.

Siguria juridike e secilit qytetarë, është e garantuar vetëm aty ku vendimet kanë mbështetje në ligjet në fuqi. Në cilindo vendim gjyqësor që nuk buron nga ligji, mungon siguria juridike. Aty ku mungon siguria juridike, mungon edhe shteti i se drejtës. Aty ku mungon shteti i se drejtës, sundon arbitrariteti dhe pasiguria për qytetarët. Kudo që ka arbitraritet ka pasiguri juridike, pasiguri qytetare dhe rebelim qytetarë, Vendi ynë ka nevojë dhe pret siguri juridike për qytetarët e tij.

Në shtetin e së drejtës, ku sundon rendi e ligji, ku zhvillohet e sundon demokracia, siguri juridike duhet të ketë jo vetëm për njerëzit, por edhe për kafshët.

Për rastin që po flasim, me vije mirë që NISMA Socialdemokrate ka treguar profesionalizëm të lartë për të mbrojtur kushtetutshmërinë dhe ligjshmërinë në Kosovë. Ne jemi të bindur se aty ku respektohet ligji, fitorja është e të gjithëve, pra aty nuk ka humbës e fitues. Partia fituese e zgjedhjeve duhet ta mbështet fuqishëm mbrojtjen e ligjit e të ligjshmërisë dhe të kërkon ketë praktikë pozitive në respektim të ligjit.

Jam i bindur se këtij vendimi më shumë duhet t’i gëzohen ata që jo pak herë janë përballur me ligjin, e sidomos duhet të ndjehen mirë partitë e mëdha politike që pritet të qeverisin me vendin.

Partitë e mëdha politike në Kosovë angazhimin e partive të vogla politike duhet ta shohin si siguresa të ligjshmërisë e të demokracisë. Dhe ketë angazhim duhet ta respektojnë sinqerisht e më zemërgjerësi! Duke e bërë ketë, ato tregojnë se në Kosovë po nis një fillim i ri, përndryshe me rroba të “reja” po mbulohet e vjetra. Kosovës, vërtet i duhet një fillim i ri.

Ne, Socialdemokratet kudo që të jemi, me gjithë kapacitetet tona politike, intelektuale e profesionale do të jemi pa pardon, gardian të sundimit të ligjit. Po ashtu siç ishim luftëtarë të lirisë!

Ne, Socialdemokratet do të jemi gardian të kushtetutshmërisë e te ligjshmërisë e Ju?

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).