Jahjaga: Po bëhemi vend i rëndësishëm

Presidentja e Kosovës, Atifete Jahjaga, thotë se pjesëmarrja e Kosovës në javën e Asamblesë së Përgjithshme të OKB’së, tregon se Kosova po zë vend të rëndësishëm në politikbërjen ndërkombëtare. “Pjesëmarrja në Asamblenë e Përgjithshme të OKB-së është me një rëndësi të vecantë për Kosovën, sepse na jep mundësinë të takojmë krerë të shteteve që nuk e kanë njohur Kosovën”, ka thënë Jahjaga në një intervistë për RTK-në.

Ajo ka thënë se konsolidimi i Kosovës në proceset e integrimeve, bëhet duke lobuar vazhdimisht.

“Konsolidimi i Kosovës dhe procesi i integrimit të organizatat ndërkombëtare, që është priroritet i politikës sonë të jashtme, varet nga lobimi i vazhdueshëm”, ka thënë ajo.

“Prania e Kosovës në ngjarjet kryesore të kësaj jave, është treguesi më i mirë se Kosova tashmë konsiderohet si pjesë e pandashme e sistemeve ndërkombëtare dhe kontribues i barabartë me shtetet e tjera”, tha Jahjaga.