Jahjaga: Kosova s’guxon ta vonojë Specialen

Presidentja Atifete Jahjaga ka thënë se Kosova nuk guxon ta vonojë procesin e themelimit të Gjykatës Speciale dhe se ajo duhet të krijohet sa më parë. E para e vendit këto komente i bëri pas takimit që pati sot në Prishtinë me ministren e Shtetit në Ministrinë e Punëve të Jashtme të Mbretërisë së Bashkuar dhe Përfaqësuese Speciale e kryeministrit për Parandalimin e Dhunës Seksuale në Konflikt, Baroneshën Joyce Anelay.

Ndërsa, ministrja e Shtetit në Ministrinë e Punëve të Jashtme të Mbretërisë së Bashkuar dhe Përfaqësuese Speciale e kryeministrit për Parandalimin e Dhunës Seksuale në Konflikt, Baroneshën Joyce Anelay ka deklaruar se Kosova e ka dhënë premtimin se do të votojë pro Gjykatës Speciale.

Ajo tha se votimi i kësaj gjykate duhet të ndodh në mënyrë që siç tha ajo vendit t`i hapen rrugët drejt proceseve demokratike si dhe Bashkimit Evropian.