Jahjaga: Ka vdekur Rezoluta 1244

Presidentja e Kosovës, Atifete Jahjaga, ka thënë se është me rëndësi që serbët të dalin në numër sa më të madh në zgjedhjet e ardhshme lokale.

Jahjaga, në një intervistë për Radio Televizionin e Vojvodinës, tha se qytetarët kështu do të kontribuojnë në ndërtimin e një shoqërie demokratike në Kosovë. Ajo shtoi se Ligji për amnistinë është miratuar, ndër të tjera që sa më shumë qytetarë të mund të angazhohen në procesin zgjedhor.

“Fjala është për kthim të besimit dhe një lloj të pajtimit politik”, theksoi Jahjaga, transmeton Telegrafi.

Ajo u bëri thirrje qytetarëve të cilët kishin ikur nga Kosova që të kthehen, sepse Kosova është “shtet civil, që nuk bazohet në dallimet kombëtare dhe fetare”. Sipas saj, çështja e pronës dhe e kthimit është e drejtë e patjetërsueshme e çdo individi.

Jahjaga tha se brezi i ri është “urë e bashkëpunimit” ndërmjet Kosovës dhe Serbisë dhe se të “të rinjtë nuk duhet të bëhen peng të së kaluarës sonë të dhimbshme”.

Ajo tha se Rezoluta 1244 në Kosovë është “e vdekur”, madje që nga viti 2008, kur Kosova shpalli pavarësinë me të cilën është shprehur vullneti i lirë i qytetarëve.

“Republika e Kosovës është një realitet që njihet nga më shumë se 100 vende të botës. Ne duam të kemi marrëdhënie të mira me Serbinë dhe unë jam e sigurt se marrëveshjet do të çojnë në normalizimin e plotë të marrëdhënieve “.

Jahjaga tha gjithashtu se Kosova do të jetë një anëtare e BE-së, NATO dhe OKB-së dhe shprehu bindjen e tij se Kosova do të marrë pjesë në një numër të shoqatave sportive botërore, pas së cilës do të “konkurrojë me Serbinë në disiplina të ndryshme”.

Sipas fjalëve të saj, për më shumë se 100 vjet në këtë pjesë të Evropës ishte politika hegjemonisë, e cila rezultoi në histori të dhimbshme të vuajtjes.

“Hegjemonia kurrë nuk do të kthehet në këtë pjesë të Evropës “, tha Jahjaga .

Ajo ka hedhur poshtë spekulimet në lidhje me krijimin e “Shqipërisë së Madhe”, duke shtuar se ndryshimi i kufijve në baza etnike dhe fetare ka sjellë vuajtje në të gjithë rajonin.

“Prandaj idetë e ndryshimit të kufijve janë të papranueshme”.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).