Jahjaga e dekoroi këngëtaren Shkurte Fejza me Medaljen Presidenciale të Meritave

Presidentja e Kosovës, Atifete Jahjaga, priti sot në takim këngëtaren e mirënjohur, Shkurte Fejza, të cilën në 40-vjetorin e punës e dekoroi me Medaljen Presidenciale të Meritave, për angazhim dhe kontribut të dhënë në fushën e kulturës.

Presidentja Jahjaga i uroi këngëtares Fejza suksese të mëtutjeshme në karrierën e saj profesionale.

Ndryshe, Medalja Presidenciale e Meritave u jepet personave që me punën e tyre kanë kontribuar në fusha të veçanta si: arsim, shkencë, kulturë, rini, sport, siguri e shërbim civil./zeri/