Jahjaga e bindur se roli i UNMIK’ut në Kosovë nuk po fuqizohet

​Presidentja e Republikës Atifete Jahjaga është e prerë në qëndrimin e saj se e gjitha që mund të bëjën UNMIK’u në Kosovë është ta përmbyll misionin që kishte.

Sipas Jahjagës miratimi i djeshëm i Rezolutës për Kosovën në Asamblenë Parlamentare të Këshillit të Europës nuk ka efekt tek fuqizimi i UNMIK’ut.
“Për këtë çështje unë kam vetëm një përgjigje që i dëshiroj UNMIK’ut përmbyllje të suksesshme të misionit”, tha Jahjaga për RTK’në.

Sipas Presidentes Jahjaga, institucionet e Republikës së Kosovës janë të interesuara që vendi ynë këtë vit të aplikojë për anëtarësim në Këshillin e Europës.

“Anëtarësimi jonë është i domosdoshëm sepse kjo forcon apo fuqizon mbrojtjen dhe respektimin e të drejtave të njeriut në Republikën e Kosovës”, theksoi ajo.