Ja sa kalori duhet të marrim në ditë

Sasia e kalorive që trupi ka nevojë çdo ditë varet nga disa faktorë: mosha, gjinia, lartësia, pesha, niveli i aktivitetit dhe metabolizmi i secilit person. Megjithatë, ekspertët e ushqyerjes ofrojnë disa udhëzime të përgjithshme që ndihmojnë për të ruajtur shëndetin dhe një linjë të balancuar.

Sa kalori duhen mesatarisht?

Gratë: 1,800 – 2,200 kalori në ditë

Burrat: 2,200 – 2,800 kalori në ditë

Këto nevoja rriten nëse bëni aktivitet fizik dhe ulen nëse keni mënyrë jetese më sedentare.

Për humbje peshe?

Për të rënë në peshë në mënyrë të shëndetshme, rekomandohet një deficit i vogël kalorik, zakonisht 300–500 kalori më pak në ditë. Kjo lejon humbje graduale dhe të sigurt pa dëmtuar metabolizmin.

Për të ruajtur linjën?

Qëllimi është të krijoni ekuilibër: aq kalori sa digjni. Aktiviteti fizik i rregullt përmirëson metabolizmin dhe lejon një liri më të madhe në ushqim.

Kaloritë janë të rëndësishme… por jo të vetmet

Cilësia e ushqimit është po aq e rëndësishme sa sasia. Për një trup të shëndetshëm dhe një linjë të tonifikuar, fokusohu në:

-proteina të mjaftueshme

-fruta, perime dhe fibra

-pak sheqer dhe pak ushqime të përpunuara

-shumë ujë

-gjumë të mirë dhe aktivitet fizik.