Ja sa herë në javë duhet të hanë speca djegës personat që kanë probleme me zemrën
Një studim i ri sugjeron që ngrënia e specave djegës zvogëlon rrezikun e vdekjes nga sulmi në zemër dhe goditjet në tru.
Studimi, i cili u botua të hënën në Gazetën e Kolegjit Amerikan të Kardiologjisë, u krye në Itali dhe krahasoi rrezikun e vdekjes midis 23,000 njerëzve mbi tetë vjet, transmeton lajmi.net.
Studiuesit zbuluan se rreziku i vdekjes nga një sulm në zemër ishte 40 për qind më i ulët në mesin e atyre që hanin speca djegës të paktën katër herë në javë dhe vdekja nga goditja në tru ishte më shumë se e përgjysmuar.
“Një fakt interesant është se mbrojtja nga rreziku i vdekshmërisë nga këto dy probleme ishte i pavarur nga lloji i dietës që ndiqnin njerëzit”, tha Marialaura Bonaccio, autore kryesore e studimit, njëherësh epidemiologe në Institutin Neurologjik Mesdhetar.
Licia Iacoviello, drejtore e departamentit të epidemiologjisë dhe parandalimit në Neuromed dhe profesoreshë në Universitetin e Insubria në Varese, shpjegoi se pronat e dobishme të ushqimit të djegës ishin bërë të ditur nëpër kulturën italiane të ushqimit.
Ekipi tani planifikon të hetojë mekanizmat biokimikë që e bëjnë djegien të mirë për shëndetin njerëzor. /Lajmi.net/