Ja pse duhet të hani dredhëza

Dredhëzat përmbajnë më shumë vitaminë C sesa pesha e njëjtë e portokajve. Dietologu i njohur Nigel Denby, thotë se dredhëzat janë njëri ndër ushqimet më të shëndosha në botë.

Këto pemë janë të pasura me antioksidues, të cilët përbërës luftojnë radikalet e lira, e këto të fundit janë ndër shkaktarët kryesorë të plakjes së qelizave dhe të paraqitjes së kancerit, trasmeton gazeta Kosova Sot

Dredhëzat janë parë të jenë të dobishme edhe për parandalimin e një sëmundje të syve që çon në verbëri, e që quhet degjenerimi makular.

Një problem në lidhje me konsumimin e dredhëzave, ka të bëjë me faktin se ato shpesh mund të shkaktojnë reaksione alergjike, sikur që është ekzema, apo dhembja e kokës.

Një gjë tjetër që duhet ta keni parasysh, është që të përdorni dredhëza organike, pra të patrajtuara me pesticide, meqë ato janë ndër pemët që grumbullojnë sasinë më të madhe të pesticideve në veten e tyre.

(Kosova Sot)