Ja përse duhet t’i ngrini pemët dhe perimet

Është lajm i mirë se mund të kursehet kohë e vlefshme falë pemëve dhe perimeve të ngrira, sepse tashmë janë të pastruara dhe të copëtuara.

Mirëpo, pyetja bazë që shtrohet është sa në fakt përmbajnë vitamina e minerale? Nutricistët me këtë rast theksojnë se përkundër shumë paragjykimeve, ato janë shumë ushqyese. Sipas tyre, në perimet e freskëta vitamina C fillon shpejt të degradojë menjëherë pas kultivimit.

Midis 24 dhe 48 orë pas marrjes, humben rreth 51 për qind e vitaminave, e pas shtatë ditësh të ruajtjes së tyre në plus njëzet gradë humbet rreth 60 për qind te bizelet, 55 për qind te boranitë e gjelbra dhe 56 për qind te brokoli.

Nga ana tjetër, te perimet, të cilat janë të ngrira, pas dymbëdhjetë muajsh të ruajtjes në minus 21 gradë, shënohen rreth dhjetë për qind humbje të vitaminave te bizelja, 20 për qind humbje te borania e gjelbër dhe rreth dhjetë për qind te brokoli. Në bazë të kësaj del se ngrirja në fakt është mënyrë shumë më efektive për t’i ruajtur vitaminat C e te pemët dhe perimet.

(Kosova Sot)

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).