Ja interpretimi i Enver Hasanit: Opozita nuk mund ta formoj qeverinë

Sipas këtij interpretimi të kryetarit të Gjykatës Kushtetuese, të cilin e ka shkruar në librin Kushtetuta e Republikës së Kosovës, KOMENTAR – Botimi I, qeveria e re nuk mund të formohet nga koalicioni opozitar, në këtë rast LDK, AAK dhe Nisma, të cilat sot kanë nënshkruar një marrëveshje.

Gazeta Blic ka arritur të gjej interpretimin që i ka bërë kryetari i Gjykatës Kushtetuese, Enver Hasani, nenit 95 të Kushtetutës së Republikës së Kosovës, i cili e parasheh se si duhet të krijohet Qeveria e re pas përfundimit të zgjedhjeve.

Sipas këtij interpretimi të kryetarit të Gjykatës Kushtetuese, të cilin e ka shkruar në librin Kushtetuta e Republikës së Kosovës, KOMENTAR – Botimi I, qeveria e re nuk mund të formohet nga koalicioni opozitar, në këtë rast LDK, AAK dhe Nisma, të cilat sot kanë nënshkruar një marrëveshje.

Termi “Koalicion” në kuptimin këtij paragrafi (paragrafit 95) në Kushtetutë i referohet një koalicioni parazgjedhor dhe jo një koalicioni pas zgjedhor, ku disa parti politike apo nisma qytetare kanë garuar në një listë të përbashkët deputetësh për Kuvendin e Kosovës.

“Arsyetimi i argumentit të fundit lidhet me faktin qe ky nen përcakton se kandidatura rrjedh nga partia apo koalicioni që ‘ka fituar’ votat e nevojshme. Pra termi ‘ka fituar’ i referohet një gjendje ku një koalicion parazgjedhor ka garuar me një listë të përbashkët të kandidatëve për deputetë dhe jo një koalicioni që mund të lind “pas” konstituimit të kuvendit”, shkruan në faqen 456 të këtij libri. /Gazeta Blic/