Ja femra më e bukur e planetit 2013

Fitore e dyfishtë për Zvicrën në Moskë: Mis Zvicra, Dominique Rinderknecht, me sukses hyri në top-16 dhe Miss Venezuela, me pasaportë zvicerane, është zgjedhur femra më e bukur në botë.

Mis Zvicra, Dominique Rinderknecht, mbërriti në finale, ndërsa 25 –vjeçarja Gabriela Isler ka rrëmbyer kurorën me diamante të “Miss Universe 2013”. 86 vajza konkurruan në Moskë për këtë titull, transmeton albinfo.

Fituesja e edicionit të vitit të kaluar është shfaqur në skenë për të kurorëzuar bukuroshen e re me një palë bikini krejt me diamante, për të cilat thuhet se kushtojnë 1 milion dollarë.

Ishte hera e parë që një konkurs i tillë i bukurisë të mbahet në Rusi. Aktivistët e të drejtave të grave kritikuan evenimentin e këtij viti, duke mbrojtur të drejtat e homoseksualëve.

Moska kishte miratuar më parë një ligj të diskutueshëm kundër të ashtuquajturës propagandë homoseksuale.