Ja cila është porosia e Ambasadorës Jacobson për mosthirrjen e seancës nga PDK

Ambasadorja e SHBA’ve ka thënë se refuzimi për të thirrur seancën kur ka pajtueshmëri për të votuar Kryeparlamentarin është një marifet politik që nuk çon askund. Ajo ka theksuar se SHBA pret konstituimin e Parlamentit në mënyrë që më pas të mund të lëvizet drejt formimit të Qeverisë.

Ambasadorja e SHBA’ve Tracey Ann Jacobson ka parashikuar mundësinë që Hashim Thaci të mos e thërrasë seancën konstituive pavarësisht gatishmërisë së Bllokut për të votuar kandidatin e nominuar nga PDK. Express sjellë komentin e Ambasadores Jacobson të cilin e kishte bërë gjatë një debati kur kishte kërkuar nga shefat e partive politike që t’i japin fund ngërçit politik. Bllokadën nga PDK ajo konsideron një truk që nuk çon askund.

“…një marifet tjetër politik mund të jetë: Të themi nëse partitë politike vendosin ta përkrahin Kryeparlamentarin e nominuar nga PDK, ne në këtë rast do të prisnim që të thirrej seanca në mënyrë që të konstituohet Parlamenti që më pas do të mund të lëviznim në hapin tjetër të formimit të Qeverisë. Refuzimi për të thirrur seancën e Parlamentit, kur ka një marrëveshje se kush do të jetë Kryeparlamentari është një marifet, një truk politik që nuk na çon askund” kishte thënë Ambasadorja e SHBA’ve.