Izmi Zeka kryetar i PDK-së , Qemajl Mustafa kandidatë për kryetar komune

Gjilan – (E plotësuar) – Qemajl Mustafa tashmë edhe zyrtarisht është kandidat i nominuar nga PDK-ja për kryetar të Gjilanit. Ky vendim erdhi nga kryesia qendrore pas disa zhvillimeve tejet interesante brenda PDK-së së Gjilanit.
—————————————–
Zhvillime interesante dhe me shumë të papritura janë zhvilluar në kryesinë qendrore të PDK-së në Prishtinë. Burime të rajonipress mësojnë se Zenun Pajaziti është tërhequr nga kryetari i degës së PDK-së dhe nga kandidatura për kryetar komune kurse Izmi Zeka sërish është zgjedhur kryetar i PDK-së. Për pak qaste pritet të shpallet edhe kandidatura e Qemajl Mustafës për kryetar të Gjilanit.

Kryesia qendrore në Prishtinë në këto orë të vona e ka nominuar Qemajl Mustafën kandidatë për kryetar të Gjilanit nga radhët e PDK-së, derisa Izmi Zekën e ka zgjedhur sërish kryetar të degës së PDK-së, pas tërheqjes së Zenun Pajazitit raporton rajonipress.

Pas shumë zvarritjeve, spekulimeve e konsultimesh kryesia e PDK-së në nivel qendror ka mbajtur një takim me kryesinë e degës së PDK-së në Gjilan ku edhe janë dakorduar për kandidatin e këtij subjekti politik që do të garojë në Gjilan.

Megjithatë burime shumë të sigurta thanë se kryesia veç ka vendosur që Qemajl Mustafa sërish të jetë kandidatë i nominuar nga radhët e PDK-së. Ky lajm i ka gëzuar shumë ithtarët e simpatizantët e Qemajl Mustafës, ndërsa është paraqitur një “frikë” nga rivalët në radhët e partive politike.

Është e kuptueshme që kandidatura e Qemajl Mustafës do të jetë favorite ndonëse është hera e tretë që ai garon.

Ndryshe PDK-ja në Gjilan i ka fituar zgjedhjet vetëm pas kyçjes së Qemajl Mustafës në kryer të këtij subjekti politik, derisa më herët i ka humbur dy palë zgjedhje./rajonipress/