Ivanoviqi më ka plagosur

Ka përfunduar pjesa e parë e gjykimit të Oliver Ivanoviqit dhe të katër serbëve të tjerë, për krimet që janë kryer ndaj shqiptarëve në prillin e vitit 1999, me dëshminë e dëshmitarit të 11-të, Faik Hysenit nga Tërnavci i Skenderajt, i cili jeton në veri të Mitrovicës.

Dëshmitari Hyseni tha se Oliver Ivanoviq, gjatë luftës ka komanduar me 500 paramilitarë dhe se ai ka mbajtur uniforma si të tyre. “Gjatë periudhës së vitit 1999, ai (Oliver Ivanoviq) dhe paramilitarët na kanë larguar nga shtëpitë katër herë me familje të tëra. Herën e parë na kanë larguar dhunshëm me 17 maj dhe na kanë detyruar të ikim në Shqipëri”, ka thënë Hyseni.

Ai tha se e njeh shumë mirë Oliver Ivanoviqin./zeri/