Italianët pas Ademit
E ardhmja e Arijan Ademit mund të jetë e lidhur me futbollin italian. Futbollisti shqiptar pritet t’i japë fund eksperiencës në Dinamo Zagreb këtë verë, për ta bërë hapin e radhës në karrierë.
Sipas mediave italiane, respektivisht uebfaqes “Calciomercato.com”, raporton Zëri, Torino ka shprehur interesim për përfaqësuesin maqedonas.
Përpos Torinos, mesfushorin kualitativ po e kërkon edhe Cagliari. Lajmin e ka bërë të ditur uebfaqja kroate “sportskenovosti.hr”, përcjell Zëri.
Gjithnjë sipas këtyre mediumeve, 24 vjeçari kushton 5 milionë euro. Ademi gjithmonë e kishte shprehur dëshirën për të luajtur në futbollin italian, pas karrierës së suksesshme që e pati në atë kroat. /Zëri/