Itali, vdes në qeli shqiptari, kishte kapsula me kokainë në stomak

Një i burgosur shqiptar 41 vjeç është gjetur i vdekur në burgun Castrogno të Teramos. Alarmin për vdekjen e tij e ka dhënë shoku i qelisë që kur është zgjuar e ka parë shqiptarin pa asnjë shenjë jete.

Zyrtarisht, sipas mjekëve, ai ka vdekur nga një arrest kardiak gjatë gjumit, por vetëm autopsia do të tregojë shkaqet e ndalimit të zemrës.

Shqiptari ishte arrestuar dy ditë më parë nga Guardia di Finanza gjatë një operacioni antidrogë, ndaj mendohet se ai mund të ketë kapërdirë kapsula me kokainë para arrestimit që mund t’i kenë shkaktuar hemorragji të brendshme e për pasojë edhe vdekjen. Policia përjashton vetëvrasjen apo pistën e ndonjë atentati.