Itali: Shqiptarë, babë e bir, arrestohen për drogë dhe armë

Babë e bir janë arrestuar sot në Itali pasi në shtëpinë e tyre u gjet drogë dhe armë.Ismet Duka , 48 vjeç, dhe djali i tij Armando Duka, 22 vjeç u arrestuan nga policia italiane, e cila ndërmori një kontroll të befasishëm në shtëpinë ku banonin shqiptarët.

22-vjeçari mësohet se sapo ishte liruar nga burgu, ku kishte vuajtur dënimin për 1 vit për trafik droge, transmeton Panorama.

Policia tha se gjeti dhe sekuestroi rreth 10 kilogramë marihuanë dhe pesë heroinë në shtëpi, e cilësisë së parë. Gjatë kontrollit u gjetën edhe dy pistoleta, dhe disa armë të kalibrave të ndryshëm.

Sipas hetimeve të policisë, shtëpia e shqiptarit shërbente si vend për paketimin e drogës, e cila më pas shpërndahej në treg. Policia tha po ashtu se kishte sekuestruar edhe një makine, me të cilin shqiptarët kishin nisur përpjekjet për shtypjen e kartëmonedhave 200 eurosh.

Dyshohet se 48-vjeçari, Ismet Duka është një hallkë e rëndësishme në një rrjet të gjerë droge të shqiptarëve në Itali. /Telegrafi/