Itali, kapen dy grupe kriminale shqiptare dhe 60 kg drogë

Prej më shumë se 2 vitesh ishin nën hetim dhe si rezultat në pranga kanë rënë 19 persona, shumica shqiptarë, por edhe italianë.

Guardia di Financa e Breshias mësohet se ka goditur mëngjesin e sotëm 2 organizata kriminale që merreshin me trafikimin e drogës në këtë rajon.

Organizatat e shkatërruara janë njëra e përbërë nga vetëm shqiptarë dhe tjetra shqiptarë dhe italianë.

Gjatë hetimit të këtyre organizatave janë sekuestruat edhe 60 kg lëndë narkotike, kokainë dhe marijuanë.

Aktiviteti kriminal i këtyre bandave ishte i shtrirë në provincat e Breshias, Bergamos, Ferraras, Milanos dhe Bolzanos.