Isufi: Raporti i GAP-it me të dhëna trishtuese

Gjilan – Raporti i GAP-it dëshmon se kjo qeverisje aktuale nuk ka jetë të gjatë. Shpenzimet marramendëse dhe të pa kontrolluara dëshmojnë se ky pushtet i ka ditët e numëruara thotë për rajonipress Ahmet Isufi ish kryetar i degës së AAK-së në Gjilan.

Ahmet Isufi thotë se nuk është befasuar nga raporti i GAP-it i cili e paraqet gjendjen në komunën e Gjilanit shumë alarmante.”Ne tashmë i kemi thënë disa herë këto parregullsi e lëshime që ka bërë pushteti komunal. Por janë trishtuese disa shpenzime të cilat vërtet e rëndojnë direkt mirëqenien e qytetarëve të Gjilanit. Për mua është shumë brengosës fakti që ka aq shumë shpenzime për dreka e darka zyrtare, shpenzime për karburante e lukse tjera që janë evidentuar në raport” thotë Isufi.

Isufi thotë se raporti i GAP-it dëshmon se kjo qeverisje aktuale nuk ka jetë të gjatë. “Shpenzimet marramendëse dhe të pa kontrolluara dëshmojnë se ky pushtet i ka ditët e numëruara” thotë për rajonipress Ahmet Isufi ish kryetar i degës së AAK-së në Gjilan.

Isufi tha se AAK në Gjilan tashmë e ka dinamizuar aktivitetin e saj dhe çdo ditë është në teren ku po merret me hallet e qytetarëve.”Rexhep Kadriu si njeriu më i duhur për të qeverisur me Gjilanin po merr mbështetje e përkrahje të madhe nga të gjitha shtresat e shoqërisë. Unë jam optimist se do të jenë vetë qytetarët ata që do të ndëshkojnë këtë keqqeverisje”.

Por , Isufi thotë se raporti i GAP-it, por edhe të metat e shkeljet tjera ligjore nuk duet të mbesin vetëm në nivelin e përpilimit të raporteve apo të rekomandimeve.”Këto raporte janë material i mirë për hetuesit të cilët duhet të merren me të gjitha dyshimet e ngritura” thotë ish kreu i AAK-së.

Isufi thotë se fryma e AAK-së tashmë po zënë vend në Gjilan dhe ne do jemi në çdo cep e vend ku e kërkon nevoja. “Ne nuk do të lejojmë që mos marrëveshjet brenda PDK-së të shkaktojnë kaos dhe kolaps edhe në menaxhimin e të hyrave të vet taksapaguesve gjilanas. Do ta mbrojmë këtë mund e djers të tyre të cilët e japin për të ndërtuar dhe avancuar jetën institucionale, e jo për të keqpërdorur buxhetin dhe për ta falimentuar komunën” mendon Isufi./rajonipress/