Isufi: Qeverisja aktuale po e dëmton të ardhmen e Gjilanit

Gjilan- Ahmet Isufi deputet në Kuvendin e Kosovës dhe kryetar i degës së AAK-së në Gjilan tha për rajonipress se qeverisja komunale e ka humbur kredibilitetin dhe çdo ditë e më tepër po e fundos Gjilanin dhe të ardhmen e saj.

Edhe Ahmet Isufi kryetar i degës së AAK-së në Gjilan thotë për rajonipress se hetimet e fundit që po zhvillohen për partneritetin publiko privat, dhe kushtëzimi i qytetarëve për të paguar kompanitë publike e dëmton rëndë imazhin e një komune që deri dje ka pretenduar se është në shërbim të qytetarit dhe taksapaguesve të saj.

Isufi tha se qeverisja komunale realisht i ka bërë dëm Gjilanit qysh nga viti 2007 sepse ka treguar të jetë e aftë vetëm për interesat e ngushta klanore e duke e vënë Gjilanin dhe qytetarët e saj në pozitë të mjerueshme derisa të vetmet “lajmet e mira” janë se përgjegjësit e saj dhe vartësit e tyre po hetohen e akuzohen nga Prokuroria e policia.

Isufi mendon se kjo qeverisje aktuale me hetime të përditshme, me dëmtim të buxhetit, me izolim ekonomik, e ka humbur kredibilitetin para qytetarëve të saj dhe se çdo ditë ajo po e fundos Gjilanin dhe të ardhmen e saj. “Gjilani nuk e ka merituar dhe nuk e meriton një qeverisje të tillë e cila në vend se të avancojë të drejtat e tyre, ajo çdo ditë po i dëmton ata, meqë po e varfëron qytetin në të gjitha fushat duke përfshirë këtu edhe keqpërdorimin ekstrem të taksave të tyre komunale” mendon Isufi. /rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).