Ahmet Isufi nga Aleanca për Ardhmërinë e Kosovës nuk ka dhënë detaje për veprimet që pritet t’i ndërmarrë opozita në seancën e nesërme të Kuvendit të Kosovës. Në RTV21, Isufti tha se nesër do të ndërmarrin veprime ‘demokratike dhe parlamentare’.
“Janë aksione demokratike të cilat do t’i shihni edhe nesër, do të jenë parlamentare. Do të jenë reagim në bazë të vullnetit të qytetarëve të Kosovës për të mos lejuar që një parlament i cili po thirret në shumicën. Kemi pasur raste edhe në të kaluarën kur Kuvendet në Kosovë kanë vendosur me atë shumicën e dirigjuar ose të imponuar sepse ju keni deputetë edhe nga pozita të cilët kanë reaguar, reagojnë, kundërshtojnë dhe nuk janë të gatshëm në njëfar forme të lejojnë të shkojmë një rruge të destabilizimit dhe një rruge të dezintegrimit”, tha Isufi.
