Isufi: Kadriu duhet të merret shembull nga e gjithë Kosova

Gjilan – Ahmet Isufi ka thënë se kryetari Rexhep Kadriu është modeli më i mirë i një kryetari, i cili duhet të merret shembull nga e gjithë Kosova.

Në kuadër të tubimeve me nëndegë, kryetari i AAK-së në Gjilan Rexhep Kadriu, ka qëndruar në atë të lagjes “Reshat Ymeri”, ku është pritur nga një numër i simpatizantëve dhe qytetarëve.

Në këtë tubim ka folur kandidati për këshilltar komunal nga kjo lagje Sedat Ymeri, i cili i ka bërë thirrje fqinje të tij të votojnë AAK-në dhe Rexhep Kadriun.

Ai ka thënë se tani është moment që të vendosim për të ardhmen tonë si dhe ka kërkuar nga qytetarët që të dalin masovikisht në zgjedhje.

Fjalën e mori edhe nënkryetari i AAK-së në nivel Qendror Ahmet Isufi, i cili tha se 3 nëntori po simbolizon një ndryshim të madh, që është arritur me angazhim dhe punë.

Ahmet Isufi ka thënë se kryetari Rexhep Kadriu është modeli më i mirë i një kryetari, i cili duhet të merret shembull nga e gjithë Kosova.

Ai i ka bërë thirrje qytetarëve që të votojnë numrin 62 nëse duan t`i kthejnë dinjitetin dhe fuqinë Gjilanit.

Jashar Ramadani, kryetar i LDD-së në Gjilan ka thënë para të pranishmëve se kryetari Kadriu nuk është njeri i fjalëve, por i punës dhe dëshmisë që po bëhet diçka për qytetarët.

Ndërkaq, kryetari Kadriu ka thënë ashtu siç e ka nisur, me punë, ashtu edhe do të vazhdojë, deri në përmbushjen e të gjitha kërkesave të qytetarëve.

Ai ka thënë se qytetarët e Gjilanit, duhet t`i prijë dikush që mendon për ta, që punon për ta dhe që gjen zgjidhje për ta, nëse duam të kthehemi në pozicionin që dikur e kemi pasur si qytet.

Kryetari Kadriu ka thënë se ai do të vazhdojë të realizojë projekte edhe në të ardhmen, ndërkaq nga qytetarët kërkon vetëm t’ia mundësojnë vazhdimin e kësaj punë, punë kjo me të cilën do të përmirësohet jeta e vet qytetarëve të Gjilanit thuhet në njoftimin e degës së AAK-së në Gjilan./rajonipress/