Isufi: Kadriu di ta ndërtojë dhe zhvillojë Gjilanin

Gjilan – Ahmet Isufi, nënkryetar i AAK-së në Gjilan, i ka uruar fitoren kryetarit Kadriu dhe e ka përgëzuar për mbështetjen e fortë që ai po e merr me plot meritë nga qytetarët kudo. Rexhep Kadriu është arkitekti i devotshëm për qytetin tonë, ai i cili ndërton dhe zhvillon vendin e vet, ka thënë Isufi.

Bastioni i radhës i Rexhep Kadriut dhe Aleancës në Gjilan, lagjja “Dardania”, kanë pritur masovikisht strukturën e lartë të AAK-së, në tubimin zgjedhor të mbajtur mbrëmjen e së dielës.

Kadriu, i shoqëruar nga nënkryetari i AAK-së Ahmet Isufi, bartësi i listës së AAK-së Selami Xhemaili, kryetari i LDD-së Jashar Ramadani dhe ekipin e tij të fitores, kanë qëndruar krenar pranë qindra banorëve të lagjes “Dardania”, të cilët ishin mbledhur për ti dhënë përkrahjen e tyre Aleancës dhe kryetarit Kadriu.

Enis Shurdhani, koordinator i lagjes “Dardania” dhe njëherit kandidat për këshilltar komunal, i cili ka thënë se falë punës dhe përkrahjes së kryetarit Kadriu, ata kanë arritur të trokasin pothuajse në çdo derë të lagjes, duke sjellë kështu afër tyre një numër të konsiderueshëm të simpatizantëve të AAK-së.

Para të pranishmëve ka folur edhe nënkryetarja e Degës së AAK-së në Gjilan dhe njëherit kandidate për këshilltare komunale Mevlyde Zejnullahu, e cila ka thënë se është Rexhep Kadriu arkitekti, i cili me punë po e projekton të ardhmen e qytetit tonë.“Përparësia jonë është se e kemi një kryetar, i cili është qytetar i Gjilanit, i cili jeton në Gjilan, flenë në Gjilan dhe ëndërron për Gjilanin”, ka thënë Zejnullahu.

Fjalën e morën edhe Ardian Emini, Kenan Gurgurovci dhe Xhemile Hasani, kandidatë për këshilltarë komunal, të cilët kërkon nga banorët e lagjes së tyre që të votojnë Rexhep Kadriun për kryetar të Gjilanit dhe të përkrahin kështu projektet e tij drejt një ndryshimi më të mirë për Gjilanin.

Ahmet Isufi, nënkryetar i AAK-së në Gjilan, i ka uruar fitoren kryetarit Kadriu dhe e ka përgëzuar për mbështetjen e fortë që ai po e merr me plot meritë nga qytetarët kudo.“Rexhep Kadriu është arkitekti i devotshëm për qytetin tonë, ai i cili ndërton dhe zhvillon vendin e vet”, ka thënë Isufi.

Ndërkaq, kryetari i ardhshëm i Gjilanit Rexhep Kadriu, ka folur për nismën e tij para 6 muajve dhe për sfidat që janë kaluar për të arritur deri këtu.“Ka ardhur koha që ta ndalim këtë keq-qeverisje dhe këtë menaxhim dhe të mos humbasim më shumë kohë, por të mendojmë për ndryshime, e ndryshimi vjenë me punë”, ka thënë kryetari Kadriu.
Kadriun e uroi edhe kryetari i LDD-së Jashar Ramadani, i cili poashtu i bëri thirrje qytetarëve që të votojnë numrin 62.

Ndërsa në sallë prezent ishin edhe kandidatët për këshilltarë komunal nga radhët e koalicionit AAK-LDD thuhet në njoftimin e degës së AAK-së në Gjilan./rajonipress/