Isufi: Eco-Higjiena e nisë vitin 2014 me projekte madhore

Gjilan – Bajram Isufi drejtor ekzekutiv në Eco-Higjiena thotë për rajonipress se vitin 2014 e nisin me projekte shumë të rëndësishme të cilat do të ndikojnë pozitivisht në shërbimet më cilësore për qytetarët e Gjilanit. Eco-Higjiena tashmë ka marrë epitetin dhe performancën e një kompanie më të suksesshme në Kosovë dhe ne do ta dëshmojmë këtë tha Isufi.

Eco-Higjiena vitin 2014 e nisë me projekte konkrete duke filluar me një pilot projekt në dy lagjet e qytetit “Dheu i Bardhë” dhe “Dardania”. Kështu thotë për rajonipress drejtori ekzekutiv Bajram Isufi, raporton rajonipress.

Isufi tha se Eco-Higjiena si një kompani që është marrë si model dhe si storije e suksesit në kuadër të Partneritetit Publiko Privat në Kosovë, do të mundohet që të jetë në shërbim të qytetarëve, duke u ofruar atyre shërbime të shpejta e cilësore.

Isufi tha se tashmë qytetarët janë vetëdijesuar dhe po kryejnë obligimet e tyre të inkasimit. Sipas tij edhe ardhja e mërgimtarëve ka ndikuar pozitivisht në arkën e kësaj kompanie, por ajo që vlerësohet pozitive mbetet fakti se ka filluar një bashkëpunim dhe një vetëdijesim i qytetarëve për të kooperuar me projektet konkrete që kjo kompani po i realizon në teren.

Tashmë Eco-Higjiena ka nisur pilot projektin në dy lagje të qytetit “Dheu i Bardhë” dhe “Dardania” e cila ka të bëjë me zbrazjen e hedhurinave shtëpiake çdo dy javë.”Ne duam të rrisim kapacitetin e kamionëve për grumbullim mbeturinash në mënyrë që edhe lagjet tjera të qytetit të furnizohen me hedhurinar ekologjik” tha Isufi.

Isufi, tha se kanë 141 punëtorë të angazhuar dhe primare e kanë grumbullimin e mbeturinave dhe bartjen e tyre, por edhe menaxhimin e pastërtisë në qytet, varreza, treg e gjetiu.

Isufi tha se partneri austriak është treguar shumë serioz dhe i përkushtuar dhe deri tani ka investuar mbi 500 mijë euro, ku edhe ka trajnuar punëtorët në Gjermani, brenda kompanisë dhe se e gjithë kjo është bërë falë angazhimit të menaxhmentit. “Na duhet mbështetje institucionale edhe nga qytetarët në mënyrë që të kemi më shumë të hyra sepse nga inkasomi i mirë ne edhe mund të investojmë dhe realizojmë projekte të dobishme për Gjilanin” tha Isufi./rajonipress/