Ismet Munishi: Vështirë por do ta mposhtim Feronikelin

Gjilan – Pas pikës së fituar në sekondat e fundit të ndeshjes me rivalin lokal Gjilanin, trajnerin dhe futbollistët e Dritës i pret edhe një sfidë shumë e vështirë ndaj kampionit aktual Feronikelit.

Ismet Munishi edhe pse gjatë tërë javës ka punuar maksimalisht me futbollistët e tij ka hasur në probleme të mëdha, pasi që shumë nga futbollistët e tij nuk do të jenë në gjendje të zhvillojnë takimin për shkak të lëndimeve.
“Ky është futbolli nuk i dihet asnjëherë, gjysmën e skuadrës e kam jashtë përdorimit ndërsa ne kemi një cikël shumë të vështirë të ndeshjeve”.

Edhe pse përkundër lëndimeve të shumta, Munishi është mjaft optimist se futbollistët e tij në këtë ndeshje do të japin maksimumin e tyre edhe pse do të jetë mjaft vështirë.
“Kemi mungesa të shumta në formacion do të na mungojnë Nexhipi, Shillova, Haliti, Kuka, Zeneli, Hashani e Kastrati ndërsa Sejdiu mungon për shkak të kartonëve.
Ne jemi mobilizuar shumë për këtë ndeshje, duhet ta dini se skuadra e Dritës në secilën ndeshje hyn për fitore njëashtu edhe ndaj Feronikelit, i dimë dobësitë dhe kualitetet e kundërshtarit mbetet të vendosin 90 minutat e ndeshjes ndërsa tifozëve të Dritës “Intelektualëve” ju bëjë ftes që në këtë ndeshje ashtu siç dinë vetëm ata të bëjnë festë të futbollit”, thekson trajneri Ismet Munishi./sylejman ismajli/rajonipress/