Ismet Munishi porosit Prishtinën, pikët mbesin në Gjilan

Gjilan – Java e 11-të në Vala Superligën e Kosovës sjell derbin në mes Dritës dhe Prishtinës, ky ballafaqim vazhdimisht ka sjellë futboll cilësor dhe shikueshmëri të madhe në shkallët e stadiumit në qytetin e Gjilanit.

Interesant është se për herë të parë në cilësinë e trajnerit në pankinën e Dritës si vendas do të jetë trajneri Ismet Munishi.

Ismet Munishi me skuadrën e Dritës startoi në javën e kaluar me mjaftë sukses duke importuar një pikë nga Skenderaj në ballafaqim me Drenicën.

Për ndeshjen e nesërme në mes Dritës dhe Prishtinës Munishi deklaroi.
“Jemi mobilizuar si asnjëherë më parë ta presim këtë ballafaqim me skuadrën e Prishtinës sa më të përgatitur, gjatë tërë javës kemi punuar duke eliminuar disa dobësi në skuadrën tonë kjo ndeshje për ne është mjaft e rëndësishme unë nga djelmoshat e mi pres angazhim maksimal dhe fitore, tjetër alternativ nuk kemi”.

Trajneri Ismet Munishi përpos që është mjaftë optimist për ndeshjen e nesërme ai ka edhe një porosi të veçantë për tifozët e Dritës “Intelektualët”.

“Ju bëj thirrje të gjithë tifozëve të Dritës nesër le të jenë në shkallët e stadiumit, ata janë tifozët më të mirë por njëherit ata janë futbollisti i ynë i 12-të së bashku me tifozët do tja arrijmë qëllimin tonë duhet kuptuar edhe ata se në KF Drita po fillon një epok e re e futbollit”./rajonipress/