Ismet Munishi: Drita ka filluar objektivat e saj

Gjilan – Pas përfundimit të edicionit vjeshtor të Superligës së Kosovës në Futboll për skuadrën e Dritës nuk ka asnjë minutë pushim, të gjithë janë në vlugun më të madhë të punës së tyre.

Për trajnerin e Dritës, Ismet Munishin i gjithë ky mobilizim në radhët e Dritës është tejet i arsyeshëm pasi skuadra e Dritës është në pjesën e poshtme të tabelës së Vala Superligës.

Lidhur me tërheqjen e shortit në Digitalb Kupën e Kosovës sot në Prishtinë, Munishi shprehet. “Janë disa ndeshje mjaft interesante ne do të ballafaqohemi me Besën në Pejë, do të jetë një ndeshje mjaft interesante dhe e vështirë por nuk është mision i pa mundur, deri me 20 shkurt do të kemi kohë të korrigjohemi dhe këtë ndeshje do ta zhvillojmë si një ndeshje normale”.

Lidhur me transferimin e futbollistëve gjatë pushimit dimëror tek “bardh e kaltërtit” e Dritës njëri ndër trajnerët më të suksesshëm në futbollin e Kosovës Ismet Munishi thekson. “Gjahu jonë ka filluar, secili po kryen punën e vet jemi në bisedime me disa futbollist që kanë shumë kualitet për pak ditë do të bëhet e qartë gjithçka”.

Lidhur me përgatitjet e Dritës trajneri Ismet Munishi thekson se do ti pret një punë e madhe.
“Do të na pret një fazë përgatitore jashtëzakonisht shumë e fort, do të bëjmë një punë të madhe e vetmja mundësi është kjo për t`i arritur objektivat tona”./rajonipress/