Ismet Jashari – Komandant Kumanova ( 1967 – 1998 )

– Teksti, muzika dhe interpretimi : Demir Krasniqi –

Më datë 25 Gusht 1998 ,
Në vendin e quajtur Bajrak , që nuk di kurrë me u tretë !
Në fshatin e bukur , të quajtur Luzhnicë –
Në luftime kundër forcave çetnike të Serbisë !
Në përpjekje për t’ i tërhequr trupat e dëshmorëve ,
Të luftëtarëve trima , bijve të malësorëve ,
Që kanë rënë një ditë më parë për t’ shtrenjtën liri ,
Ka rënë komandanti i Brigadës 121,
I Zonës Operative të Pashtrikut , nga Kosova –
Ismet Jashari , i njohur si Komandant Kumanova !
Po të njëjtën ditë dhe në të njëjtin vend –
Në luftë kundër forcave serbe , këta dëshmorë kanë rënë !
Luftëtari i Ushtrisë Çlirimtare t’ Kosovës –
Ka rënë Habib Zogaj – trimi i nënë lokes !
Trim Ismet Jashari – bir i nënës shqiptare ,
U lind në fshatin krenarë , të quajtur Orizare !
Fshat n’ komunë të Kumanovës , iu kishte përshtatë –
Gëzim i madh u shtua n’ familje , n’ vitin 1967 !
Pas epopesë së Prekazit , që Jasharajt i kishte prekë ,
Më 5 , 6 dhe 7 Mars të vitit 1998 ,
Ismet Jashari , në çaste t’ fundit i bënë përgatitjet –
Për të hyrë në Kosovë – luftës që t’ i bashkëngjitët !
Më 11 Mars t’ atij viti , trimat që s’e kishin shoqin –
Për të hyrë në luftë t’ Kosovës , të gjithë e vendosin !
I pari priu Ismet Jashari me Fehmi Lladrovcin ,
Me bashkëshorten Xhevë Krasniqin , apo Xhevë Lladrovcin !
S’ bashku me Bekim Berishën dhe me Mirush Dakën ,
Luftëtarin Fatmir Limajn dhe me Haxhi Shalën !
Bashkë me ta Agim Bajrami edhe të tjerë trima –
Që në luftë s’ i trembte topi , jo as murmurima !
Kështu Ismeti kish vendosë për liri të luftonte –
Futej nëpër zona t’ luftës , kudo që vepronte !
Ku luftonte UÇK-ja e Kosovë kreshnikes –
Dhe arrin shpejt në Likoc , n’ këtë fshat të Drenicës !
Në muajin Mars të vitit 1998 ,
Luftëtarët një vendim e kishin mbështetë –
T’ a formojnë së bashku njësitin ushtarak “Çeliku” ,
Që do t’ ketë bazën në Kleçkë me forca kreshniku !
Luftëtari Ismet Jashari , kudo prinë ma i pari –
Së bashku me Fatmir Limajn , atë trim shqiptari !
Bashkë me Haxhi Shalën , atë trim me nderë ,
Po ashtu me Sadik Shalën edhe shumë të tjerë !

Në muajin Prill të vitit 1998 –
Ismet Jashari UÇK-në e kishte mbështetë !
Me detyra ushtarake n’ Dukagjin ishte vendosë –
Me atë rast në të dy këmbët , ai ishte plagosë !
Më datë 24 Gusht 1998 –
Forcat armike kishin shtuar sulmet mbi këtë jetë !
Sulmonin me topa t’ kalibrave t’ mëdhenj mbi kokë –
Me raketa shkatërrimtare që godisnin tokë me tokë !
Në një mbrëmje , luftëtarët e lirisë kreshnike –
Kishin depërtuar thellë në pozicionet armike !…
Gani Kastrati dhe Afrim Buçaj nga armiku përndiqeshin –
Luftëtarët s’ kishin arritur nga armiku të tërhiqeshin !
Në mëngjes të hershëm të 25 Gushtit –
Ismet Jashari kishte sulmuar me fuqinë e grushtit !
Ai nuk donte që t’i lente kund armikut vend –
Në përpjekje për t’i marrë trupat e ushtarëve të rënë !
Pas disa orëve luftimesh në një distancë të afërt ,
Në altarin e atdheut , në Luzhnicë te zjarret –
Bie në altarin e lirisë duke e mbrojt atdheun ,
Së bashku me Habib Zogajn dhe Nuhi Mazrekun !

Më 25.08 . 2019 .
Demir Krasniqi