Ismajli: Zhegra po i përgjigjet thirrjes për të qëndruar në shtëpi si masë kundër Covid19

Gjilan – Nënkryetari i Komunës së Gjilanit, Arbër Ismajli, i shoqëruar nga drejtori i Shëndetësisë, Selami Xhemajli, kanë vizituar Qendrën e Mjekësisë Familjare në fshatin Zhegër ku janë informuar për gjendjen e cila është në këtë fshat gjatë kësaj kohe, e cila nga ekipet shëndetësore është konstatuar e qetë dhe pa shqetësime sa i përket rasteve me Covid-19.

“Deri më tani nuk kemi ndonjë rast të ri që është paraqitur me simptoma që duhet të intervenohet. Fshati është duke respektuar rekomandimet e dhëna nga ekipet shëndetësore për qëndrim në shtëpi. Gjendja është nën kontroll dhe lëvizje të qytetarëve apo të veturave nuk ka. Nëse do të vazhdohet në këtë mënyrë, gjendja do të jetë shumë më lehtë e menaxhueshme deri në tejkalimin e situatës”, kanë thënë mjekët kujdestarë.

Ndërsa, në fjalën e tij, nënkryetari Ismajli ka konfirmuar se Komuna e Gjilanit ka marrë të gjitha masat e nevojshme dhe janë përgatitur tashmë kontigjenti material mbrojtës për familjet e prekura, barnat për trajtim nëse është e nevojshme dhe pakot ushqimore për familjet të cilat janë me gjendje të rëndë ekonomike dhe sociale, të cilat, për këto ditë janë shpërndarë dhe do të vazhdohet në këtë drejtim tek të gjitha rastet ku është i nevojshëm intervenimi me mbështetje sociale./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).