Ismajli takohet me Mustafë Shalën, veprimtar i devotshëm e ndërmarrës i sukseseve të mëdha

Gjilan – Ishte kënaqësi dhe nder i veçantë ta takojë veprimtarin e devotshëm, dhe, ndërmarrësin e sukseseve të mëdha, z. Mustafë Shala. Mustafë Shala, është një intelektual i sojit të veçantë, i cili ka dhënë kontribut të çmuar në avancimin e interesave të vendit, para luftës, përgjatë dhe pas luftës. Ka qenë një aktivist e bashkëfinancues i çdo lloj beteje e cila u organizua në fuqizimin e çështjeve dhe aspiratave të vendit, sidomos, në financimin e luftës sonë nacional çlirimtare të Ushtrisë Çlirimtare të Kosovës ka shkruar Arbër Ismajli.

Ismajli ka thënë se Mustafë Shala, është pronar i Hotel “Kristal”, dhe, pronar i ujit “Dea”. Falë punës dhe besimit të jashtëzakonshëm në fushën biznesore, Mustafë Shala, ka arritur që përmes ujit “Dea”, ta përfaqëson vendin tonë, në arenën ndërkombëtare, duke bërë jehonë me ujin kualitativ dhe shumë të kërkuar i cili i plotëson standardet më të larta të kërkuara.

Përveç tjerash, me operimin e bizneseve të tij, Mustafë Shala, ka arritur të ndikojë direkt në zhvillimin ekonomik në vend, duke ndikuar kështu, në përmirësimin e mirëqenies së një numri të konsiderueshëm familjesh në vend.

Mustafë Shala, do të jetë përgjithmonë njeri me konsideratë të lartë në vendin tonë, i cili çdoherë, ka qenë i gatshëm të jetë në ballë të çdo beteje me humanizmin, vendosmërinë, dhe burrërinë, prej një intelektuali të pashoq. Fjalët dhe veprat e Mustafë Shalës, do të jenë përgjithmonë të arta.

Njerëzit vigjilent, atdhetar dhe racional, e kuptojnë më së miri rëndësinë e veçantë të këtij njeriu ka shkruar Ismajli./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).