Ismajli: Po shikohet mundësia që BE-ja të ndihmojë përmes formave alternative komunat e Lindjes
Gjilan – BE-ja gjithmonë ka qenë e gatshme në ofrimin e mundësive alternative, për të investuar dhe ndihmuar vendin tonë, duke qenë garancë e investimit në një shtet të ri i cili aspiron të jetë pjesë e saj ka shkruar Arbër Ismajli.
Postimi i plotë i Arbër Ismajlit
Me iniciativën e kryetarit të Komunës së Gjilanit, z. Lutfi Haziri, në një takim virtual, kryetarët e Regjionit Lindje bashkëbiseduan me ushtruesin e detyrës së shefit të BE-së në Kosovë, z. Riccardo Serri.
Tema kyçe e takimit ishte gjendja e rënduar ekonomike në vendin tonë si rezultat i pandemisë, si dhe mundësia e kyçjes së BE-së përmes formave të ndryshme alternative në ndihmë të komunave të lindjes.
BE-ja gjithmonë ka qenë e gatshme në ofrimin e mundësive alternative, për të investuar dhe ndihmuar vendin tonë, duke qenë garancë e investimit në një shtet të ri i cili aspiron të jetë pjesë e saj./rajonipress/