Gjilan – Kënaqësi dhe nder i veçantë të takohem me mësimdhënësit e arsimit të Gjilanit, me njerëzit që çdo ditë mbjellin dituri, edukatë dhe vlera tek gjeneratat tona ka shkruar Arbër Ismajli.

Postimi i plotë:

Ishte një takim me plot emocione, reflektime dhe ide për një arsim më cilësor e më dinjitoz në qytetin tonë.

Të gjithë bashkë ndamë bindjen se arsimi është themeli i çdo zhvillimi. Pa shkolla të forta, pa mësimdhënës të motivuar dhe pa kushte të mira, nuk mund të kemi të ardhme më të mirë për fëmijët tanë.

E prandaj, përkushtimi ynë është që ta kthejmë arsimin në prioritet të parë të qeverisjes sonë.

U ndjeva krenar të dëgjoj përkushtimin, sakrificën dhe dashurinë që secili prej tyre e ka për profesionin dhe për nxënësit e vet.

Këta janë heronjtë e përditshmërisë, që me mund e përkushtim e mbajnë të gjallë dritën e dijes në çdo lagje e çdo fshat të Gjilanit.

Faleminderit nga zemra për mikpritjen dhe për fjalët e mençura që ndamë bashkë, ju jeni udhërrëfyesi dhe motivi im më i madh në jetë.

Bashkë me ju, do ta ndërtojmë një arsim shumë më modern, me përplot dinjitet dhe me kushte që i bëjnë krenarë mësimdhënësit tanë!

Faleminderit shumë nga zemra!

BashkePerFitore

GjilaniPertej

ArberIsmajli #113