Ismajli: Nuk guxojmë të qëndrojmë indiferent ndaj kësaj pandemie

Gjilan – Vazhdoni të punoni, me kujdes të shtuar, duke i respektuar rekomandimet e nevojshme. Mos dilni në rrugë pa nevojë. Respektoni orarin e kufizimit të qarkullimit. Po shkojmë drejtë shërimit të plotë, dhe, nuk duhet t’i japim kahje potenciale të rritjes së kësaj pandemie ka thënë Arbër Ismajli.

Tashmë, ka disa netë, që Komuna e Gjilanit, nuk po atakohet me COVID – 19. Nga të dhënat e publikuara mbrëmë nga Instituti Kombëtarë i Shëndetësisë Publike, del se nuk kem asnjë rast të ri me koronavirus. Plus asaj, i kemi dy raste të shërimit të plotë, njëri rast është shëruar nga vetë-izolimi, dhe, rasti tjetër, është shëruar nga hospitalizimi.

Ismajli ka thënë se aktualisht, nga 51 raste të prekura në Gjilan, të shëruar kemi 31 raste, 2 raste vdekje, 1 rast në hospitalizim, dhe, 17 raste në vetë-izolim. Trajektorja e rënies së lakorës së rasteve, ka marrë rënie të theksuar në nivel vendi. Kjo na bënë të ndihemi jashtëzakonisht mirë, por, asnjëherë të sigurtë.

“Duhet të vazhdojmë me masat e ndërmarra. Nuk guxojmë të qëndrojmë indiferent ndaj kësaj pandemie. Vazhdoni të punoni, me kujdes të shtuar, duke i respektuar rekomandimet e nevojshme. Mos dilni në rrugë pa nevojë. Respektoni orarin e kufizimit të qarkullimit. Po shkojmë drejtë shërimit të plotë, dhe, nuk duhet t’i japim kahje potenciale të rritjes së kësaj pandemie” ka thënë Ismajli./rajonipress/