Ismajli: Në repartin e Hemodializës, po bëhet një punë e shkëlqyeshme në trajtimin e pacientëve

Gjilan – Nga ekipet mjekësore të Repartit të Hemodializës, po bëhet një punë e shkëlqyeshme në trajtimin e pacientëve, sidomos në këtë situatë të cilën po gjendemi. Në këtë repart janë shtuar masat higjienike dhe masat tjera mbrojtëse karshi pandemisë korona ka shkruar Arbër Ismajli.

Postimi i plotë i Arbër Ismajlit

Bashkë me Drejtorin e Spitalit Regjional të Gjilanit, Dr. Nysret Hajrullahu, Drejtoreshën e QRIKSHP-së, Ajhane Sejfiu, Drejtorin klinik, Ukshin Ismaili, si dhe, anëtarët e ekipit menaxhues, Drejtorin për Shëndetësi, Selami Xhemaili, Drejtorin e QKMF-së, Fejzullah Berisha, vizituam Repartin e Hemodializës, për të parë nga afër punën dhe përkushtimin e këtij reparti në raport me pacientët, dhe, veçanërisht, masat shtesë që janë ndërmarrë për sigurimin e pacientëve, por, edhe vetë mantelbardhëve ndaj pandemisë korona.

Nga ekipet mjekësore të Repartit të Hemodializës, po bëhet një punë e shkëlqyeshme në trajtimin e pacientëve, sidomos në këtë situatë të cilën po gjendemi. Në këtë repart janë shtuar masat higjienike dhe masat tjera mbrojtëse karshi pandemisë korona.

Ne, e falënderojmë Drejtorin e Spitalit, Nysret Hajrullahu, si dhe, të gjithë ekipin e Repartit të Hemodializës, të cilët nuk po ndalen asnjëherë së vepruari ndaj ndihmës së madhe që po u ipet pacientëve në nevojë.

Pacientët e Hemodializës meritojnë përkushtim dhe siguri shumë të madhe, karshi procesit të trajtimit të tyre në këtë repart, dhe për këtë, u jemi shumë mirënjohës stafit të mantelbardhëve të këtij reparti. Me masat adekuate të vendosura nga ky repart, po besojmë dhe urojmë që nuk do të kem asnjë rast me pandeminë korona.

Spitali regjional, po punon me të gjitha kapacitetet e veta, në trajtimin më meritor të pacientëve, në kujdesin më të shtuar ndaj higjienës dhe masave mbrojtëse, si dhe, përkushtimit të tyre të madhë, në avancimin e shërbimeve të tyre mjekësore./rajonipress/