Ismajli: Ndeshje shumë e vështirë, faleminderit tifozëve për mbështetjen

Mbrojtësi Ardian Ismajli është shfaqur i zhgënjyer pas humbjes ndaj Polonisë me rezultat 1-0.

Megjithatë ai deklaroi se skuadra bëri maksimumin, ndërsa falënderoi tifozët për përkrahjen e madhe.

“Falënderoj tifozët për këtë atmosferë të shkëlqyer. Kemi bërë një ndeshje shumë të mirë, fati nuk ishte me ne”.

“Te goli gabuam në vendosje por këto episode i ka futbolli. Tashmë të shikojmë përpara”.

“Mbulimi i Lewandowskit? Lewa është një sulmues që bën 40 gola në sezon ose edhe më tepër dhe nuk është e lehtë ta mbulosh, por unë dhe Kumbulla e bëmë mirë punën me të”.

“Pengu i vetëm i kësaj sfide është që nuk fituam”, ka thënë Ismajli. /Telegrafi/