Ismajli lavdëron këshillin e fshatit Malishevë, i cili po kujdeset për nevojat e komunitetit

Gjilan – Qëllimi kryesor i bashkëpunimit të tyre është organizimi dhe veprimi në të mirë të banorëve të Malishevës, mbajtjen e pastërtisë së fshatit, organizimin e tubimeve të ndryshme me bashkatdhetarë, kontributet e ndryshme në mënyrë vullnetare, mbrojtjen dhe përfaqësimin e interesave të çdo banori, etj ka shkruar Arbër Ismajli.

Postimi i plotë i Arbër Ismajlit

Kënaqësi dhe nder i veçantë të takojë Këshillin e fshatit Malishevë, në krye me Kryetarin, Latif Maliqi, si dhe, Kryetarin e Shoqatës “Malisheva e Gjilanit”, z. Astrit Shabani.

Maliqi dhe Shabani, po bëjnë një punë të shkëlqyeshme organizative dhe bashkëpunuese, në vendosjen e një standardi për të mirën publike dhe përmirësimin e mirëqenies së banorëve të Malishevës.

Qëllimi kryesor i bashkëpunimit të tyre është organizimi dhe veprimi në të mirë të banorëve të Malishevës, mbajtjen e pastërtisë së fshatit, organizimin e tubimeve të ndryshme me bashkatdhetarë, kontributet e ndryshme në mënyrë vullnetare, mbrojtjen dhe përfaqësimin e interesave të çdo banori, etj.

Puna e shkëlqyeshme e tyre, është vlerë për qytetarët e Malishevës, pasi që, përpara vetës kanë një bashkësi organizative, e cila përfaqëson denjësisht, të arriturat e mira të Malishevës, e mbi të gjitha, kanë njerëzit e duhur të cilët bëjnë përfaqësimin e interesave të banorëve në relacionin ndërmjet këshillit dhe komunës./rajonipress/