Ismajli: Kurti do të mbahet mend për dy veprime

Sekretari i Partisë Demokratike të Kosovës, Uran Ismaili ka kritikuar ish-kryeministrin Albin Kurti për qeverisjen e tij, duke thënë se Kurti i kishte ofenduar të gjithë shqiptarët me testet që i kishte pranuar nga Serbia.

Ismaili në një konferencë për media tha se Kurti do të mbahet mend si kryeministër për veprimet e tij të turpshme, raporton Gazeta Express.

“Albin Kurti si kryeministër do të mbahet mend per dy veprime të turpshme, mbylljen e kufirit me Shqipërinë dhe hapjen ndaj Serbisë. Ai mashtronte për bashkim kombëtar, i ndante shqiptarët në tradhtarë e patriotë, por i ofendoi shqiptarët kudo që janë me ato teste të turpshme nga Serbia, duke e shpallur në mediat botërore Aleksandër Vuçiqin humanist të ballkanit”, ka thënë Ismaili.