Ismajli kundër mbylljes së gastronomisë në Gjilan, asnjë burim infeksioni nuk vije nga ky sektor

Gjilan – Unë paraqita shqetësimin tonë si komunë në kundër mbylljes së gastronomisë, dhe se Gjilani nuk ka asnjë burim infeksioni i cili vie nga ky sektorë, dhe se qeveria urgjentisht duhet të bëjë të mundur që komunave t’iu lejohet angazhimi i inspektorëve shtesë për monitorim të zbatueshmërisë së rekomandimeve nga ana e Ministrisë së Shëndetësisë dhe IKSHP-së ka thënë Arbër Ismajli.

Postimi i plotë i Arbër Ismajli

Të dashur qytetarë,
Në kuadër të Asociacionit të Komunave të Kosovës, mora pjesë në panelin me Ministrin e Tregtisë dhe Industrisë, Vesel Krasniqi, së bashku me Drejtoritë e Inspektoriateve Komunale.

Si temë kryesore e takimit ishte bashkëpunimi më i afërt i nivelit qendror dhe atij lokal në kuadër të parandalimit të COVID19 si dhe mbyllja e sektorit të gastronomisë pasi sipas tyre nuk po përfillen rekomandimet që dalin nga manuali i Ministrisë së Shëndetësisë.

Unë paraqita shqetësimin tonë si komunë në kundër mbylljes së gastronomisë, dhe se Gjilani nuk ka asnjë burim infeksioni i cili vie nga ky sektorë, dhe se qeveria urgjentisht duhet të bëjë të mundur që komunave t’iu lejohet angazhimi i inspektorëve shtesë për monitorim të zbatueshmërisë së rekomandimeve nga ana e Ministrisë së Shëndetësisë dhe IKSHP-së.

Komunat kanë nevojë që edhe pas pandemisë të kenë staf më të madh inspektorësh, duke bërë inspektime dhe monitorime të nevojshme, në kuadër të zbatueshmërisë më të madhe të ligjshmërisë dhe vënies në pah të zbatimit të saj.

Sektori i gastronomisë është faktor kyç i zhvillimit të mirëqenies qytetare, dhe, se, nuk guxojmë që indikatorin e rritjes së rasteve pandemike, ta gjuajmë në këtë sektorë./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).