Ismajli: “Kodra e Dëshmorëve”: Nga ky vend simbolik po kryengritemi për fuqizimin e zërit të qytetarëve për hapësirë
RajoniPress
16:25, 3 Shtator, 2025
| 11 muaj më parë
Gjilan – Në zemër të lagjës e cila bartë mbi supe emrin e shenjtë të dëshmorëve dhe mbiemrin e bërjes së Republikës, u takuam me kryesinë e Nëndegës “Kodra e Dëshmorëve” ka shkruar Arbër Ismajli.
Postimi i plotë:
Nga ky vend simbolik po kryengritemi për fuqizimin e zërit të qytetarëve për hapësirë, mundësi dhe zhvillim.
Pikërisht, kujtimi i dëshmorëve të kësaj pjese, është amaneti më i mirë i përkushtimit për punë dhe zhvillim të politikave të hajrit për qytetin tonë, duke i dhënë fund neglizhencës dhe duke hapur rrugë zhvillimit të Gjilanit tonë.
Kryesia e Nëndegës “Kodra e Dëshmorëve” gjithmonë ka ditur ta ruaj vlerësimin dhe kontributin në nderim të krijimit dhe zhvillimit të Politikave Publike për bashkëqytetarët tanë.
Mirënjohje të thellë për kryesinë që po kontribuon me përkushtim në këtë betejë të përbashkët, duke e bërë Nëndegën “Kodra e Dëshmorëve” shembull të angazhimit qytetar deri në përpjekjen tonë të përbashkët për fitoren e 12 tetorit.
