Ismajli: Gjilani ka potencial të madh për të krijuar biznese të fuqishme që gjenerojnë vende pune dhe zhvillim ekonomik
RajoniPress
17:06, 7 Tetor, 2025
| 8 muaj më parë
Gjilan – Faleminderit “Skele Ceni” dhe “Ceni Plastech” për pritjen e ngrohtë dhe për mundësinë që të mësojmë nga eksperienca juaj e suksesshme. Biznese të tilla janë modeli më i mirë i asaj që duam të mbështesim dhe të zhvillojmë në qeverisjen tonë të ardhshme ka shkruar Arbër Ismajli.
Postimi i plotë:
Në vazhdën e takimeve të njëpasnjëshme, kemi kënaqësinë së bashku me kandidatët tanë për Asamble Komunale, Nazim Mehmeti, Nevzad Rushiti, Fatos Ramadani, Driton Nuhiu, Bedri Ajeti dhe Muhadin Hazirin, të vizitojmë fabrikën “Skele Ceni” dhe “Ceni Plastech”, një ndërmarrje e madhe dhe shumë dinamike që na bën krenar për mënyrën se si operon.
Kompania funksionon në disa sektorë dhe çdo hap i saj tregon profesionalizëm, përkushtim dhe vizion të qartë për zhvillim të qëndrueshëm.
Pamë nga afër organizimin, standardet e larta të punës dhe përkushtimin e stafit, të cilët me sakrificë dhe punë të palodhur po bëjnë që kjo kompani të konkurrojë me sukses në tregun vendor dhe atë ndërkombëtar.
Ajo është dëshmi e qartë se Gjilani ka potencial të madh për të krijuar biznese të fuqishme që gjenerojnë vende pune dhe zhvillim ekonomik.
Faleminderit “Skele Ceni” dhe “Ceni Plastech” për pritjen e ngrohtë dhe për mundësinë që të mësojmë nga eksperienca juaj e suksesshme.
Biznese të tilla janë modeli më i mirë i asaj që duam të mbështesim dhe të zhvillojmë në qeverisjen tonë të ardhshme.
Faleminderit shumë për mikpritjen e ngrohtë!
