Ismajli: Gjendja e të prekurve që ndodhen në klinikë dhe atyre në shtëpi është stabile

Gjilan – Gjithashtu, gjendja e të prekurve, e atyre që janë aktualisht në klinikë, por edhe atyre në shtëpi, është shumë stabile, dhe në drejtim të përmirësimit të dukshëm. Është shumë e rëndësishme për të testuarit, edhe pse janë dalë me rezultat negativ, të vazhdoni t’i përmbaheni rregullave strikt të marra nga IKSHP-ja. Për të gjithë ne, e vetmja mënyrë e mospërhapjes së këtij virusi do të jetë menaxhimi i suksesshëm me të, duke vazhduar në ndjekjen e vazhdueshme të këshillave të përgjithshme ka thënë Arbër Ismajli.

Postimi i plotë i Arbër Ismajlit

Në kuadër të angazhimit tonë të përbashkët për luftimin e pandemisë COVID19, bashkë me Drejtorin për Shëndetësi, Selami Xhemaili, ishim në takim me përfaqësuesit e Komisionit Komunal për Emergjenca, IKSHP-në, Shëndetësinë primare dhe Spitalin Regjional.

Nga ky takim u theksua fakti se gjendja aktuale në Komunën e Gjilanit është stabile, ku nuk kem asnjë rast tjetër, përkundër mostrave të vazhdueshme që po merren, të gjitha po rezultojnë si negative.

Gjithashtu, gjendja e të prekurve, e atyre që janë aktualisht në klinikë, por edhe atyre në shtëpi, është shumë stabile, dhe në drejtim të përmirësimit të dukshëm. Është shumë e rëndësishme për të testuarit, edhe pse janë dalë me rezultat negativ, të vazhdoni t’i përmbaheni rregullave strikt të marra nga IKSHP-ja.

Për të gjithë ne, e vetmja mënyrë e mospërhapjes së këtij virusi do të jetë menaxhimi i suksesshëm me të, duke vazhduar në ndjekjen e vazhdueshme të këshillave të përgjithshme.

Vazhdoni të qëndroni stoik në këtë betejë, duke konsideruar si të vetmen rrugëdalje për t’ia prerë “këmbët” kësaj pandemie.
Bashkë ja dalim!