Ismajli: Çdo votë ka peshë! Çdo zë është i rëndësishëm për drejtimin që do t’i ipet qytetit tonë për katër vitet e ardhshme

Gjilan – Le të votojmë me besim, me zemër e me përgjegjësi për Gjilanin që duam ka thënë Arbër Ismajli.

Postimi i plotë:

Të dashur qytetarë të Gjilanit,
Sipas informacioneve të fundit, deri në orën 17:00, mbi 38 mijë qytetarë të komunës sonë kanë ushtruar me dinjitet të drejtën e tyre kushtetuese për të votuar.

Procesi zgjedhor po zhvillohet në mënyrë të rregullt, të qetë dhe demokratike, me pjesëmarrje të lartë e atmosferë të përgjegjshme qytetare.

Apeloj që edhe pak minuta, deri në orën 19:00, të gjithë ata që ende nuk kanë votuar, ta shfrytëzojnë të drejtën e tyre për të vendosur për të ardhmen e Gjilanit tonë.

Çdo votë ka peshë!

Çdo zë është i rëndësishëm për drejtimin që do t’i ipet qytetit tonë për katër vitet e ardhshme.
Le të votojmë me besim, me zemër e me përgjegjësi për Gjilanin që duam!

Faleminderit shumë!