Ismaili: Për Albin Kurtin priotitet ishte Boikeni dhe jo qytetarët e Kosovës

Sekretari i Përgjithshëm i Partisë Demokratike të Kosovës, Uran Ismaili, në fjalimin e mbajtur sot në Kuvendin e Kosovës ka kërkuar nga Qeveria Kurti që të siguroj 2.5 milionë vaksina për imunizimin e të gjithë popullatës. Teksa ka kritikuar kryeministrin Albin Kurti për interesimin e madh të tij për zgjedhjet në Shqipëri.

Ismaili tha se PDK ka thirrur këtë debat parlamentar për arsye se është e nevojshme të jepen përgjigje për situatën me pandeminë. Teksa shtoi se për Albin Kurtin më me rëndësi ishte kandidati për deputet në Shqipëri Boiken Abazi, sesa qytetarët e Kosovës.

“Prioritet për të ishte Boikeni, e jo qytetari i Kosovës.”, ka thënë Ismaili.

“Të largohesh nga pandemia për të bërë fushatë në Shqipëri është e turpshme dhe e pafalshme”, shtoi ai.

Ai tha Qeveria Kurti po ecën hapave të Qeverisë Hoti, “me zero transparencë”.

Ismaili ka thënë se jemi Kryeqyteti i vetëm në Evropë – në të cilin nuk ka vaksinim aktiv.

Shpërndaje.
© RAJONIPRESS