Ismaili: PDK e pranon marrëveshjen e Uashingtonit, Veseli nuk ka thënë që është tradhti

Sekretari i Përgjithshëm i Partisë Demokratike të Kosovës, Uran Ismajli, në emisionin Pressing të T7, ka thënë se PDK’ja e pranon marrëveshjen e Uashingtonit e nënshkruar në mes të Kosovës dhe Serbisë. Madje, ai tha se as Veseli nuk ka thënë që është tradhti. Edhe pse PDK’ja ka pasur kritika të ashpra lidhur me këtë çështje.

“E pranojmë marrëveshjen e Uashingtonit, as Veseli nuk ka thënë që është tradhti”, është shprehur Ismaili.

Tutje, ai tregoi se PDK’ja ka shprehur gatishmëri t’ia votojë buxhetin Kurtit dhe Hotit.

“Ne kemi bërë gjithçka që është e mundur. Ne kemi qenë të gatshëm me ia votu buxhetin Albin Kurtit, ‘urdhëro realizo diçka’. Gjithashtu edhe Avdullah Hotit, ‘urdhëro realizo dicka’”, ka thënë Ismaili.

Ai gjithashtu tha se dy qeveritë e kaluara nuk patën plan as për Covid-19 e as për ekonomi.

“Me VV’në e LDK’në s’kemi parë plan as për Covid-19, e as për ekonomi”, thotë Ismaili.

“Vetëvendosje dhe LDK i ndërrojnë pozicionet vazhdimisht, e na akuzojnë neve. Ndërkohë që PDK’ja e ka shumë të qartë, pozicionin e saj”, ka thënë Ismaili.