RCCOLA

“Isha shumë afër largimit”, Xhaka falënderon Artetan për shansin e dytë

/ 3 minuta lexim

Mesfushori i Arsenalit, Granit Xhaka zbuloi se ai ishte “shumë, shumë afër” për të lënë klubin në janar dhe ka falënderuar trajnerin Mikel Arteta që i dha një shans të dytë.

Xhaka dukej i vendosur për largim pasi iu hoq shiriti i kapitenit në nëntor për shkak të një reagimi të zemëruar ndaj tifozëve që e bezdisën kur u zëvendësua gjatë një barazimi 2-2 me Crystal Palace vitin e kaluar.

27-vjeçari gjithashtu mbeti jashtë skuadrës për pesë ndeshje, por ai fitoi vendin e tij dhe, tetë muaj më pas, është përsëri një titullar i rregullt i formacionit.

Arteta javën e kaluar lavdëroi Xhakën për ‘fitoren’ e tij me shfaqjet në fushë, por ish- ylli i Borussia Monchengladbach pranoi se ai mendonte seriozisht largimin.

“Të gjithë e dinë se çfarë ndodhi me mua dhe tifozët – ose tifozët me mua. Nuk ishte një kohë e mirë. Nuk ishte një kohë e mirë”, ka thënë fillimisht Xhaka për BT Sport.

“Por mbase ishte çelësi sepse u ktheva më i fortë se kurrë, kështu që mësova shumë nga kjo situatë. Shpresoj që edhe fansat të kenë mësuar”.

Fundamenti

“Unë gjithmonë thosha me vete, por edhe për tifozët, unë jam një djalë që do të jap 100 për qind çdo ndeshje. Njerëzit fillojnë të më kuptojnë gjithnjë e më shumë tani përsëri”.

“Duhet të jem i sinqertë, jam shumë i sinqertë me të gjithë. Kam qenë shumë, shumë afër largimit nga klubi. Kam pasur, deri në këtë moment, një kohë të shkëlqyeshme në këtë klub futbolli”.

“Por pas kësaj, unë natyrisht isha pak më poshtë sepse nuk e prisja atë nga njerëzit, nga fansat. Asnjëherë nuk ishte në mendjen time të largohesha nga klubi më parë, por pasi kjo ndodhi, sigurisht që mendoni për këtë”.

Mesfushori shqiptar ka besuar te Arteta, i cila pasoi Unai Emeryn pak më pak se dy muaj pas incidentit, për kthimin e karrierës së tij në veri të Londrës.

“Kur Mikeli arriti, unë pata një takim shumë të mirë me të, biseda shumë të mira”.

“Ai më ktheu mua dhe më dha një shans të dytë, dhe ai më tregoi se ai besonte tek unë dhe unë jam përpjekur t’i jap gjithçka”, përfundoi shqiptari.